Den siste månaden av 2019 har arrangementsavdelinga i Rein Design jobba mykje med hendinga Sunnfjord 20:20. Og i morgon er endeleg dagen her: Fire kommunar blir ein – dette skal sjølvsagt markerast.

– Når vi blir spurt om å arrangere denne markeringa er det klart at vi blir stolt, det er jo eit utruleg ærefullt oppdrag. Rein Design har allereie teke del i kommunesamanslåingsprosessen, sidan vi har utviklinga og produsert det nye kommunevåpenet til Sunnfjord kommune, seier dagleg leiar i Rein Design, Ole Jonny Klopstad. – Samtidig som det er ein spennande prosess vi no går inn i, så er det sjølvsagt noko vemodig, då det er fire flotte kommunar vi «forlet» 1. januar.

Tidspunktet og lengda på markeringa er lagt opp slik at ein skal kunne nyte nyttårsmiddagen heime, møte opp og la maten synke medan du nyt programmet på rådhuset, og vere heime i god tid til å skyte opp rakettar ved midnatt. Dette blir ei hending for alle i Sunnfjord kommune, både liten og stor.

På arrangementet håpar vi å treffe vener og kjente frå alle dei fire kommunane som no skal slå seg saman til ein. Vi startar med å gå i fakkeltog frå fire oppgitte møtepunkt, før vi alle møtast ved Sunnfjord rådhus der vi sløkker faklane. Alt vil vere stille og mørkt eit før programmet byrjar. Med over 100 lyspunkt er det klart for eit spektakulært lysshow og anna kunstnerisk innhald. Til slutt syng vi sunnfjordsangen, «Vi her inst», før vi går inn i det nye året, saman.

Les meir om arrangementet her!

Då Rein Design jakta artist til opningsfesten dei arrangerte for Toyota Førde, enda det også med to konsertar med Eva Weel Skram på Åmot Operagard, som vart filma for fjernsyn av NRK Sogn og Fjordane.

Om du passerte Toyota Førde sitt nye, flotte bygg laurdag kveld, merka du at noko uvanleg der inne: Blinkande lys, dundrande musikk og glade folk som feira. Vi snakkar om ei storslagen opning av det nye bygget til Toyota Førde.

Alle nybilavdelingane hos Berge & Co er no utvida, ombygde og totalrenoverte, for å tilfredsstille dei ulike merkevarene sine nyaste standardar. Rein Design har hatt oppdrag med å dekorere lokala.